Sitti Suryani, S.Pd., M.Pd.
Je'neberang
Kamma biasa, mata alloa kacinikangi bakleanna rammanga, langika na arakmi rasanna linoa aktumingngara. Giok tangke-tangke pokokpokok pinusuka nitaba ri anging ammirik taksi ke’dek-ke’dek.
Akkelongmi jangang-janganga ri bakleanna bangkenna Bawakaraeng appinawangi paklampanna tau rungkayya eroka aklampa amboyai manggena, ribaklek pakrasanganna. Tau toana tenapa na naissengi narupa tanjakna.
Nakku taenamo nakulle na tahan. Erok sikali aksiciniki manggena, tau toa tenayyapa nalebbak na cinik, na sabak waktunna inji ni tianangang ri ammakna, na lampa manggena marantau nampa tena na lebbakkapa ammoterek.
Ripaklammapanna tunggala agang tau rungkayya akkelong-kelongi, sakranna sannak alusukna. sakgenna sakra je’ne aklosonga ri binangayya tena nakalangngerang. Siagang sakra bangkenna. Lompoa sakranna akdakka antongkoki sakranna akkelong.
Takmuri-murintu naung, nampa na moa-moamo punna assi buntuluki siagang manggenna, naukrangimi ammoterek pappasanna ammakna, siagang gurunna, wattunna appalak kana lak lampa: "Jagai kalennu bajik-bajik, pattasak asengi sikuntu tau appanggaukang salaya ri tuntungang pakjappannu “ Tau rungkayya naurangi annarrusu anjo pappasanga” barangbanna akbesoki nappasak lantangna akpaklantui kalenna sadiami anggaukangi.
Akkelong-kelongi, nabubbuk tommi berang paksarena manggena naseleka ri aya’na. Sipamak berang na bolika manggena ri ammakna siagang appasangi angkana: “Sallang sareangi tau rungkaku punna akkale tau rungkamo”. iyami anne berangna sekre-sekrea naparek pakpijokjo ilalang pakjappanna. Nasabak, manna moa-moana rupanna manggena ta lebbak nacinik
Situruk caritanna ammakna, sallomi manggena aklampa marantau ri kampong bangkeng bulukna Bawakaraeng mai akboya katallassang masunggua. Mingka sannami sallona manggena aklampa tena
memangpa na lebba ammoterek, Passangngalinna napakassi-asiji ammakna siagang kalenna.
Manna na kamma mamo anjo, ia tena tong nalebbak larro iareka napa'risi nyawana mange ri manggena. Risikuntu apa lebbaka na gaukang. Mangei ri pasarak kamponga. Nacinikmi kasuarrana taua ri kamponga, sibuk massing-massing ri jama-jamanna. massing assipitangarri akboya passamaturukang. Pakkasiakna niaki ri kampong jama-jamanna tau sannak sannanna.
Akjappami mange, anciniki nia sekre gadde pakbaluk-balukang, nakasiakmi battanna akcarruk cipuruk, ka’ antamami rua ngallo tena na ganre nasabak bokonna lakbusakmi ri aganga.
Akjappana pirang dakka, taranyata anne tampak namangeia tampak pakbaluk-balukang juku. Pirang dakka mami akjappa nana rasamo anjo jukuka. Juku basa inji, sikalinna ammatangi. Akcinikmi tau akgeak anjoeng.
Tana sakringai tau rungkayya lannasaki. Nacini aksingkammatongi nia bidadari naung battu ri langit tujua lonjokna akpassirupai tau lolo naciniki sannak kanang-kananna tanjakna nacinik pakkasiakna assingkamma tongi ni timbai jeknek binanga kalenna punna najanjangi.
Pakkasiakna tau rungkayya langsungi erok ri tau loloa. Anne tau loloa na janjangi sanggenna eja rupanna. sakgenna apu-apu la naballia gannakmi, akparurukmi ammoterek najanjang suallami nampa takmuri-muri mange ri tau rungkayya, paksibuntulanna tena naiyya jaianne wattua, Ammuko anna kamma anjo tau rungkayya battui poleng mange ri pasarak pak balukang jukuka akminasai angkanaya barang aksibuntuluk inji poeng ri tau lolo na kerokia kamma tongi poeng kabalikanna.
Nakkukna mange ri manggena sannakmo lautangna, apapi poeng wattunnamo akkale rungka na kulle tommo aklappa amboyai manggena.
Tau rungkayya akjappai annarrusuk amparitamai romang lantang pinusuka kapulak na tinggi tuntung oloang. Riatinna sannaki tappakna angkanayya manggena attallasa inji niaki ammantang ri kampong bakleang ri bangkenna Bawakaraeng, siagang tenamo nasallo nabattumo mange anjoeng ritampaka. Sikeddek-sikeddek napurusuki seng berangna manggena. Sallang la nacaritangi manggena angkana
anne beranga lebbak ngaseng mi na palannyak kezalimannya. Kesaliman na buntuluka tunggala oloang. Manggeku tantu banggai ri anakna.
Tak lengukna matanna alloa ambangunna aktinro aksa’rana tong janjang-janjang cakdia mange ri iya. Ala siapami allona akjappa, Tau rungkayya battumi mange ri pakrasangang la namangeia iyamintu kampong na boyayya battu ri caritanna ammakna siagang gurunna.
Matanna na ciniki assengi sikamma anu najamayya tau jaia ripakrasanganga sikuntu nalaloia sakgenna battui ambajiki juku balukbaukanna katak simbungi sikekdek. Sakgenna napikkiriki... amammi.
Tau rungkayya aklampai poeng mange ri anjo tampak pak balukbalukanga sumpaeng niakmo takti’la ri atinna ampakkutaknangngangi anjo karicuanga sumpaeng.
"Tabe Puang...,Angngapa sumpaeng naniak kulangngerek tau gegerek?” akkutaknangi nampa na cinik-ciniki tong anjo juku sannakinja beruna.
Tenakah nuassengi? Iyareka ikau tau beruko niak anrinni?
Akkutalenangi pabaluk jukuka mange ri Tau rungkayya, Tenapa na napuali pakkutaknanna ri tautoayya na sambungi poeng pakkutannanna angkana “Inakke anne pabaluk-baluka niaka ri pasaraka parallua akboya rong dowe pajak sannak jaina mange ri kapala kampongku.
Kapala kampongku teai tau bajik, ikau tau beruko anrinni paralluko hati-hati”
Tau rungkayya anne sannangi ampilanggeri panggajarakna tautoayya, nampa naukrangi pappasanna ammakna, siagang gutunna. Tiba-tiba sakra dakka bangkeng angreppesi siagang akjari kamma taung-taung ri biring matanna.
Assibuntuluki siagang bayuang beruna, manna berupa assiasseng pirang bulang allaloa. Taurungkayya anne ...eroki attojeng-tojeng kamma tongi anjo Tau loloa sannak tongi nangaina anne tau rungkayya.
Mingka, anne tau rungkayya siagang tau loloa tenapa na issengi angkanayya passingaiyanna sallomi ni cini-ciniki ri sanrona kapala
dusunga, ia ngaseng ballisiki anciniki, nampa punna niciniki, eroki na paksisakla passiangaianna. Siagang si turuk erokna Kapala dusunga nasabak na asseng tommi kabarak passiangaianna.
Narapiki sekre karueng, gumuruki allobangngi sekre pakrasangang. Bosi ricci-riccika appakaramulami battu anjo waktua taurungkayya siagang bayuang beruna, berupi ammoterek battu akjappa-jappa ri biring binangayya.
Battui abboya tampak paklaklangngang ri sekrea balla-balla caddi na, pajama baraka biasayya napake ammari-mari.
Sekre wattu si pakrua-ruai, sireppe-reppesi, sikalinna niak rupa tau lompo kassa pakkaleanna anjo lebbaka na agang assibuntuluk tau rungkayya. Wattunna uru-uru bantu mae arrinni ri parrasanganga anne, battu mae angkapungi si pakrua.
Tau rungkayya siagang pung tau lolo tabbangkai, Anne sipakrua tena nasaringi apa akkajariang, tena nasallo si tau-tau umuruk tanggatangnga tau lompoa pakkaleanna akjappa angreppesi.
Tetta...? Pakkiok na tau lolo mae ri burannea anjo. na iya, tabbangkai sanna lannasa'na. anjo pakkiona bayuanna...Tetta?...teaika ia Kapala dusunga anrinni ? Akkutannangi Tau rungkayya anjo nampa powali Iyo... Anjo manggeku!
Anggapaki Tetta kimae annrinni? Ammoterekmoko kamma-kamma anne, anggaraki manggena, Sallomi Tettanu ansuro mata-matai anne Tau rungka berua battu mae anrinni ri pakrasanganga anne.
Jari nakke tena na kuerok punna akbayuangko si agang tololongku. Situruk kana-kananna Kapala Dusunga, anak buana ambesoki tau loloa ampaka bellai battu ri bayuanna.
Tau loloa akjallo-jalloki erok nilappassang, mingka pannakgalakna suro-surona kapala dusunga sanna jarrena susai nisauruk, ia tulusuk ammarrang-marrang na gaukang.
Tau rungkayya anne erok tongi na sakring anggewai mange ri surosuronna kapala dusunga manna poeng na manggena anne bayuanna. Anjo karuenga ri lapangang kampong Biring tanayya tau jaiya akbarrisikappasang rupai paramida bulaengi. Tau lolo na ciniki matanna langsung anjo kajarianga ilalang tallasakna.
Jangang-jangang kariuka akrikbak, angrekpesi aksakra akngiuk-ngiuk kamma nikana nia tau la mate'. Wattu karuenga lakjari agang mange ri iya, la nabunoi Kapala Dusunga, nasabak ri olo inji na na rancanai nasabak iya biasa anggauk sala' sanna pallak nyawana parallua nipaktasak. Tau rungkayya akkatepuni rannanana ambunoi Kapala Dusunga punna lakbusukmo suro-surona'.
Apa...? nalanggereki tau rungkayya, "Ikau tena nu siratang ambuntingi tau lolongku, Kammayya ikau tena darajakna siagang ata ko, Kamma tong ikau tena nukkulle ambunoa"
Mingka ....Paracumami tau rungkayya anu lekbakmi na bubbuk berangna battu ri banocci'na, nampa lari mange antebbaki, nampa tulusu na tobok Kapala Dusunga pas ri parruna , nalangsung anrabba naung ri buttayya.
Wattu lakattoamo nyawana, Sannak tabbangkana, nacini anjo beranga rilimanna tau rungkayya anjo, Sanna bata-batana, nampa nakana ikau tau rungka! Kemaeko antu anggapai beranga? Iyaminne pusaka nabolikanga manggeku kuboyya kerea ,mae ammantang. Siagang iyatommi anne beranga lebbak allakbusi ato bannaka kubuntuli ri oloanga, ripa'jappangku kamma tong ikau', nakana tau rungkayya, borro na sannang nyawana.
"Kamma tojengi anjo nukanayya?
Iyo...., Siagang punna anne beranga niak inji ri limangku kutaggalak iya ngaseng tau anggauk salayya tena naniak kupalaloang", nakana tau rungkayya.
Mingka...mingka...., Kepala Dusunga eroki abbicara, mingka na tahangi pakrisikna.
Tau rungkayya; anne lannasak tongi anciniki giok-giokna Kepala Dusunga.
Mingka...Kupauwwangko...anne....inakke anne... pata antu beranga, punna kamma tojengi antu, jari inakke...inakke mianne tau nu boyya, Pammopporanga nasaba manggenu ampilariiko siagang ammanu..., Kapala dusunga ancaritai, nampa taksikali-kali akkunraring tongi.
Pammopporanga anak...siagang...Siagang kamma-kamma anne Inakke akkullea nu buno...
Siagang... anjo panjok-jokna mangei ri tau lolonna, anjo ... andikku antu,
Nakana manggena mae ri tau rungkayya, Tabbuccillaki matanna nampa akjanjang birisiki butti tenapa natappa angkana andikna, maraeng amma.
Mata alloa surukmi ilauk takkulleami ni poterang Kapala Dusunga matemi nikanre ri berangna tonji, nani rakak ri tau lolonna.
Tau rungkayya, sannang inji, tena natappak, Sakgenna lari nampa nabelak ngaseng rompok-rompokka anjo niaka anghalangi. Cerakna manggena aknassainji basa ri berangna, assolong jeknek matanna angsaksalaki panggaukanna.
Sallo-sallo, nampapi sadaraka. Pakrisiki nyawana siagang saksak lalangna anjanjangi batu lompoa tulusuk manggarrukna akkiok-kioki manggena.
Usahana sanna sallona erok assibuntuluk manggena, tappukmi panrannuanna sallo-sallo allanggerekmi sakra akmorok battu lalang ri batua lebbakna na tebbak.
Ammantangi tena makgiok-giok nalanggerekna anjo sakra lompoa, tamba sallo tamba lompoi sakgenna tena nanisanna-sannai, anjo batu lompoa niak jeknek aksuluk, aksolong sanna-sannakna.
Tau rungkayya anne tena-nasarringi na tassambila sanna bellana...nilok-lorang ri jekne lompoa aksolonga baktu lalang batua anjo. Ammanyuki nampa tanibuntulukmo poeng.
Riwayak kajarianna mami ammantang. Saggenna kamma-kamma ane poeng, Anjo je'neka assolong inji saknak-saknakna. rewasa niassenga nikana "Je'neberang".
